🎉 40 Johr Rossbolle – DANKE! 🎉

Was für es unglaublichs Jubiläumsfescht! 🥳
Am Samschtig (19.09.2026) hämmer bi schönstem Wetter üses 40-Johr-Jubiläum mit eu zäme dörfe fiire. ☀️🎺🎉

Am Nomittag sind vor allem üsi chline Gäscht voll uf ihri Chöschte cho. 😄
Es sind unzähligi spielfreudigi Chind uf em Feschtplatz unterwegs gsi, und wer nöd grad bim Kinderschminke Farbe übercho het, het sich spötestens uf de Hüpfburg, am Galge oder bi de verschidene Spiil ustobt. 🎨🤡🏰

Und denn isch langsam de Abig cho… 🌅🍻
Mit em Start vo de Guggenmusige isch de Obig so richtig lanciert worde. 🎺🔥 Und spötestens denn sind au die Ältere, (natürlich jung-blibene unter üs) so richtig uf ihri Chöschte cho. 😜

Mit viel Musig, gueter Stimmig, mit Getränk und feinem Esse (danke de Metzgerei Frey) und vor allem viel, viel Freud isch bis wit i de Nacht, oder für die eine oder andere wohl eher bis am Morge, gfiiret worde. 🥳🍻🎺

Es isch eifach schön gsi, mit so viel Lüüt üses 40 Johr Rossbolle Jubiläum chöne zfiire! ❤️

Mir möchted üs bi allne Besucherinne und Besucher, Chind, Eltere, Gugge, Helferinne und Helfer und Sponsore bedanke. Ihr alli händ dä Tag und die Nacht zu öppis ganz Bsundrem gmacht!

Danke, dass ihr debii gsi sind und mit üs gfiiret händ! ❤️

Uf die nächste 40 Johr! 🥂🎉🎺

Mach mit

wer sind mir?

Im Mai 1986 händ 21 lustigi Rossrütner zämme entschlosse, sich ade Fasnacht i de Region z`beteilige. So isch im Juni 1986 denn d`Guggemusig Rossbolle entstande.

Noch rund 40 Johr dörf sich de selbsternannti «Sauhuufe», mit rund 26 Mitglieder, immerno ade Fasnacht zeige und sini beste Stückli mit viel Spass und Liedeschadft zeige…